26DA JANAAYO WAA MAALIN XUSUUS MUDAN 

26/1/1991 WAA MAALIN XUSUUS MUDAN Waxaa nasiib daro ah in 26da Janaayo oo ah

waqtigii shcabka Soomaliyeed ka guuleystay rajiimkii faasidka oo shacabka

Soomaliyeed mudo badan dhibaato aan qoraal iyo sheeko lagu soo koobi karin sabatoo

ah cidna maqarin karto dulmigii shacabka uu u gestay intii uu dalka ka talinaayay

waxaa marag madoonta ah dhibaatada maantay umadda Soomaliyeed ku  habsatay in laga

dhaxlay rajiimkii 26da Janaayo

kacdoon kaga yimid shacabka Soomaliyeed 

Malintaas qaayaha iyo xusuusta mudan Waxaa murugo ah in 26da Janaayo oo la mida

waqtigii  calan saarka ama ka qiimo badan wayoo waxaan ka dhaxalnay rajiimkaas

dhaqan aad iyo aad u qalafsan oo shacabka intiisa badan ku dhaqmaan waxaa wax lugu

faano noqday wixii Soomali ka xishoo jirtay hadaan wax yer idika xasusiyo waxaa ruux

wanaagsan loo yaqiin midka lunsado xoolah shacabka oo daaro waa weyn dhisto midkii

ka dhoorsada oo yiraahdo waa xoolo qaran waxaa la dhihi jiray waa doqon, taa waxaa

kasii daran xafiisyadii dowladda oo loo qeybsaday  qabiil wasaarad heblaayo waxaa

leh reer hebel waxaan filayaa aqristow markaad dib u milicsato qaraalkan inaad

durbadiiba xusuustada ku soo dhaceyso sida wasaarad walba loo kala lahaay

waxaa marag madoonta ah in Soomali wax ku qeybsatay 4.5 walina ku heshin la.dahay

qaabkii qabiil ee wax ku qeybsatay taana waa cudur laga dhaxlay rajiimkii lariday

26da janaayo ka dib markii shacabkii ka dhiidhiyay  waxaa nasiib daro ah markii

Caasimadii laga eryay taliskii uu hogaaminayay Maxamed Siyaad  in qaar uu macalin u

ahaay ama dugsigisii wax ku soo bartay ruux walaba qabiil ahaan reerkii uu ka

dhashay gabaad siiyay taana waxaa laga

dhaxlay  dagaalkii ahliga ama qabiilka waxana sabab u ah

(1) Goortii  Maxamed Siyaad  Caasimadii xoog loog saaray goor habeen Sabdi ah

taariikhduna tahay 26da janaayo 1991 ayaa dhacday in qeeb ka mida wasiradii  iyo

sarakishii  uu macalinka u ahaay ama asaga dhaqanka xun baray  oo Xamar  ku haray

mid walba reerkuu ka dhashay gadaasha marsado ama difaaco, kadib waxaa dhacay in

Maxamed Siyaad iyo wasiiradii  saraakishii  isga lacararay iyagana gabaad ka helaan 

qabaa.ilkooda  taas oo ku dhawaad sanad iyo bar  dalka qeeb ka joogo fursadna  u

helay  Maxamed Siyaad in uu dagaal  rogaal celis ah soo qaado Caasimada Muqdisho

dagaladasna waxaa ku dhitay dad aad iyo aad u badan waxaa kaloo sababeen barakac ku

yimid inta badan dagaanada koofurta wayoo waxaa isku birsaday colaad iyo abaar  oo

ah labo masiibo  oo u sii dheer tahay burbur  hantiyeed iyo mid dagaan taana waa

dhabar jabkii  kowaad ku yimaado halgankii kacdoonka shacabka ee 26da Janaayo

(2) Markii magaalada Muqdisho soo galayeen ururka USC wuxuu u qeebsanaay sadax qeeb

USC kacdoonka Xamar  uu hogaan u ahaay Xussen Xaaji Bood USC Rooma uu gudomiye Shido

ah iyo USC  mustaxiil  Caaydiid hogaminayay waxaana dhacday mid walba uu isaga

sheegto hogaanka sare ee uruka USC taana waxey keentay in halgankii uu hakad ku

yimaado iyo fursad labaad halkaa ka helo Maxamed Siyaad iyo tagerayashiisa waxaana u

suurto gashay  in ciidan uu horkacaayo Moorgan abaabul dagaal ka soo bilaabo

magaalada Kismaayo isagoo doonaya mar labaad magaalada Xamar oo xoog looga saaray

habeen Sabdi 26da Janaayo 1991 in uu dib ugu soo laabto  kadib waxaa dhacday in mido

bil ku dhaw dib loo mideeyo sadaxdiii garab ee USC taana tanasul kuma imaan ee waxey

 ku timid  cabsi kadib rajiimkii Maxamed siyaaad oo Moorgan hor kacaya  ciidan aad

iyo aad  badan la  yimid meel dhan koofurta magaalada Muqdisho ugu beegan  30 km ka

yar  Ururka USC dagaal adag ka dib waxaa u suurto gashay in gacanta ku dhigaan

magaalada xeebta ah ee Kismaayo wixii markaa ka danbeyay waxaa bilawday isku dhacii

ururka USC inkastoo marar badan dagaalo goosgoos ka dhaceen magaalada Muqdisho oo

lagu xali jira hab qabiil hadana laguma guuleysan waxaana dhacay 17-11-1991

dagaalkii  lamagac baxay afar biloodka kaas oo dad iyo dunyo  ku dhinteen burburka

maantay Magaalada Muqdisho ka muuqdo inta badan waxaa keenay dagaalkaas oo liaa iyo

hadda aan les weydiin sababta uu ku yimid Midaasna waa dhabar jabkii labaad ee ku

yimaado kacdoonkii shacabka

26da Janaayo 1991 .

(3) Waxaa muhiim ah in shacabka Soomaliyeed loo ifiyo sababta keentay dagaaladas

ilaa hadda oo laga joogo 17 sano xalka loo helin Waxaa jiray koox uu magacaabay

Maxamed Siyaad uuna u bixiyay SULUX oo (100) boqol  kar u dhaafaya una kala dab

qadayay hogaanka kacdoonka shacabka iyo rajiimka Maxamed SIyaad waxaana badi

ahaayeen wasiiro iyo saraakiil isaga ka amer qaata xiligaas USC magaalada  Muqdisho

sooma galin laakin waxaa dagaal u dhaxeeyay shacabka Soomaaliyeed oo u kala harin

iyo rajiimkii Maxamed Siyaad xiligaasna waxaa dhaxdhaxadinaya kooxdii SULAX oo warka

u kala qadayay waanakooxda dhibatada shacabka ilaa iyo waqtigaan heysato inta badan

sabab u ah wayoo kooxdaan ayaa waxaa ku jiray damac siyaasadeed waxaana tusaale ah

waxaa jirtay waqti labada koox waa hogaanka kacdoon Xamar iyo taliskii Maxamed

Siyaad in ka badan usbuuc magaalada dagaal culus ku dhax maraya uu Maxamed siyaad

R/wasaare u magacaabo Cumar Carte oo waqtigaas  ka mid ah gudigii SULAX laakin waxaa

diidmo kulul kala hor yimid hogaankii sare kacdoonka shacabka Xamar  oo yiri xabada

iyo dagaalka joogsan maayo ilaa Maxamed Siyaad  radiyaha ka yirahdo XUKUNKII WAA

ISAGA TAGAY  jawaabtii  Maxamed Siyaad waxey noqotay talada wadanka waxaan ku

qabsaday qoray ama xoog waxaana Alle qadaray in 26da Janaayo 1991 habeen Sabdi 8:15 

sideedii iyo rubuc shacbi careeysan xaruntii madaxtooyada villa Somalia daaqadah ugu

dhacaan inkastoo maantay shacbigii ku dhintay iyo inta ka hartay wax qadarin ama

sumcad kama helin bulshada inteeda badan

 Waa  maxaay sababta ? way sahlan tahay jawaata waa kooxdii SULAX uu magacabay

Maxamed Siyaad oo markii  uu Caasimada Muqdisho goor habeen ah ka cararay ayaa

waxaa qeeb samay kooxdii SULAX oo qaar raacay isaga qeebna Xamar ku haray kadid

waxaa dhacay  labadii qeeb qolo waliba shaqo ka bilawday halkii qabiil keeda u

badnaay iyagoo mudo kadib ku guulestay in ay abuuraan dhib ka badan midkii xiligii 

wadanka ay wax ka mamulayeen  iyagoo ka baqaya hadii nidaam yimaado in  la

xisaabiyo taana waa ku guulesteen waliba waxey ka helen 2 arimood oo iyaga

xisaabtan ugu jiri 

(1) In la.hilmaamo dambiyadii dadka iyo dalka  ka galeen taana xisaabta uguma jirin 

(2) waxaa u suurto gashay in markale wadanka hogaan sare 

ka hantaan sida C/qaasim Salaad  oo wasiirada aan dhicin ka mid ahay ayaa dalka

jabuuti magaalada Carte Madaxweyne loo doortay waxaana ka dhaxalney   maah maah 

cusub  oo xiligaas  tageerayashiisa hal hees ka dhigteen oo ah XAQ MA. RABNEE XAL

BAAN RABNAA 

Aqritoow is weydii hadii xaq ladiiday sidee xal ku imanayaa 

Xasan Abshir isga  ku caan noqday gudoomiye aan dhicin ayaa noqday R/wasaare hadana

ah xildhibaan Soomaliyeed waa cajiib iyo qaar kaloo badan .

Ugu danbestii waxaan ku soo koobayaa kacdoonkii shacabka maxaa laga fa,iiday yaase

helay inta badan qoraal laguma soo koobi karo wanagii laga dhaxlay laakin waxaa ku

soo gabinayaa inta badan waxaa nasiib u helay qorayaasha wargesyada Soomalida wayoo

wixii ka horeyay 26da Janaayo 1991 dalka wuxuu lahaa hal wargees 

oo magaciisu ahaay XIDIGTA OKTOOBER

 waxaa iga xusuus ah oo ku adkeynayaa dhamaan qorayasha Soomaliyeed in 26da laga

dhigo maalinta wargesyada Soomaliyeed

ABDIRAHMAN M NOR (COWSEY